سندھ ہائی کورٹ میں اے آئی سرچ انجن اور نئی موبائل ایپ لانچ
سندھ ہائی کورٹ نے عدالتی نظام کو جدید بنانے کیلئے اے آئی سرچ انجن اور نئی موبائل ایپ متعارف کرا دی۔ اعلامیے کے مطابق سندھ ہائی کورٹ اس نوعیت کا اے آئی سسٹم متعارف کروانے والی ملک کی پہلی ہائی کورٹ بن گئی ہے۔
نئی موبائل ایپ کے ذریعے صارفین کو کیس معلومات، ای فائلنگ، ای نوٹسز اور کیس سرچ جیسی سہولیات تک آسان رسائی حاصل ہوگی جبکہ اسکین شدہ کیس فائلوں اور عدالتی ریکارڈ کو بھی ڈیجیٹل انداز میں دیکھا جا سکے گا۔
چیف جسٹس سندھ ہائی کورٹ نے منصوبے کا افتتاح کرتے ہوئے عدالتی نظام میں ٹیکنالوجی کے استعمال کو اہم پیشرفت قرار دیا اور آئی ٹی ڈپارٹمنٹ کی کاوشوں کو سراہا۔
مختصر خلاصہ
سندھ ہائی کورٹ نے انصاف کی فراہمی کو جدید بنانے کیلئے اے آئی سرچ انجن اور موبائل ایپ لانچ کر دی، جس سے عدالتی خدمات اور کیس معلومات تک رسائی مزید آسان ہو جائے گی۔
