نادرا کی نئی گائیڈ لائنز: شناختی کارڈ اور ب فارم کے حوالے سے اہم ہدایات جاری

نیشنل ڈیٹا بیس اینڈ رجسٹریشن اتھارٹی (نادرا) نے شہریوں کو خبردار کیا ہے کہ وہ اپنے زائد المیعاد قومی شناختی کارڈز کی تجدید اور بچوں کے بے فارم کے اندراج کا عمل 30 جون 2026 تک مکمل کر لیں، کیونکہ نئے مالیاتی سال 2026-27 کے بجٹ کے بعد ان سروسز پر اضافی فیسیں یا جرمانے عائد کیے جانے کا امکان ہے۔ نادرا کے مطابق بروقت رجسٹریشن نہ کرانے والے شہریوں پر ممکنہ جرمانے عائد ہو سکتے ہیں، اس لیے والدین کو ہدایت کی گئی ہے کہ جن بچوں کے ابھی تک بی فارم نہیں بنے ان کی فوری رجسٹریشن کروائیں اور جن کی عمر اسمارٹ آئی ڈی کارڈ کے لیے ہو چکی ہے ان کے بی فارم کو بروقت کارڈ میں تبدیل کروائیں، تاکہ کسی بھی مالی بوجھ یا قانونی پیچیدگی سے بچا جا سکے۔