نیو کراچی میں پولیس مقابلہ، 5 ڈاکو ہلاک

شہر قائد کے علاقے نیو کراچی انڈسٹریل ایریا میں پولیس اور مسلح ملزمان کے درمیان مبینہ مقابلے کے دوران پانچ خطرناک افراد ہلاک ہو گئے۔ یہ واقعہ لیاری ندی پل کے قریب جی 23 بس اسٹاپ کے اطراف پیش آیا۔ پولیس حکام کے مطابق مارے جانے والے افراد عادی جرائم پیشہ تھے اور مختلف سنگین وارداتوں میں ملوث رہے تھے۔ کارروائی کے دوران ملزمان کے زیر استعمال ایک کار، موٹر سائیکل، اسلحہ اور موبائل فونز بھی قبضے میں لے لیے گئے۔ ایس ایس پی سینٹرل ڈاکٹر عمران کا کہنا ہے کہ یہ گروہ ہائی پروفائل جرائم میں سرگرم تھا اور خاص طور پر بینکوں سے رقم لے کر نکلنے والے شہریوں کو نشانہ بناتا تھا۔