معروف تجزیہ کار ڈاکٹر ساجد تارڑ کے تازہ ویڈیو بیان نے سیاسی اور سفارتی حلقوں میں نئی قیاس آرائیوں کو جنم دے دیا ہے۔
اپنے بیان میں انہوں نے دعویٰ کیا کہ امریکا کے سابق صدر ڈونلڈ ٹرمپ مستقبل قریب میں اسلام آباد کا دورہ کر سکتے ہیں، جبکہ خطے میں اہم سفارتی تبدیلیوں کے امکانات بھی بڑھ رہے ہیں۔
ڈاکٹر ساجد تارڑ کا کہنا تھا کہ موجودہ علاقائی صورتحال میں پاکستان ایک بار پھر عالمی توجہ کا مرکز بنتا جا رہا ہے اور مختلف عالمی طاقتوں کے درمیان پس پردہ رابطے تیز ہو چکے ہیں۔
انہوں نے کہا کہ ایران اور امریکا کے درمیان کشیدگی میں ممکنہ کمی کے آثار دکھائی دے رہے ہیں، جبکہ جنگ بندی سے متعلق مختلف سفارتی اشارے بھی سامنے آ رہے ہیں۔
ان کے مطابق آنے والے دنوں میں پاکستان اور امریکا کے تعلقات میں نئی پیش رفت متوقع ہے، جس کے اثرات نہ صرف خطے بلکہ عالمی سیاست پر بھی مرتب ہو سکتے ہیں۔
