شدید گرمی کے دوران کراچی کے مختلف علاقوں میں طویل دورانیے کی بجلی بندش کا سلسلہ جاری ہے، جبکہ بعض مستثنیٰ علاقوں میں بھی لوڈشیڈنگ کی شکایات سامنے آ رہی ہیں۔
شہر کے مختلف حصوں میں کیماڑی، کھارادر، لیاری، اورنگی ٹاؤن، بلدیہ ٹاؤن اور سعید آباد میں وقفے وقفے سے بجلی کی بندش رپورٹ کی جا رہی ہے۔
اسی طرح لیاقت آباد سی ون ایریا، ناظم آباد، گلبہار، رضویہ اور پاک کالونی کے مکین بھی بجلی کی غیر اعلانیہ لوڈشیڈنگ کا سامنا کر رہے ہیں۔
نیو کراچی اور نارتھ کراچی کے مختلف سیکٹرز سمیت نارتھ ناظم آباد میں بھی بجلی کی فراہمی متاثر ہے۔
شدید گرمی کے باعث بفر زون، شادمان ٹاؤن، گلشن عمیر اور اسکیم 33 کے علاقوں میں بھی بجلی کی بندش شہریوں کے لیے مشکلات کا باعث بن رہی ہے۔
