شہر قائد میں زمان ٹاؤن پولیس نے کورنگی نمبر 5، سیکٹر 50 سی میں ملائی ہوٹل کے قریب مبینہ مقابلے کے بعد دو ڈاکوؤں کو زخمی حالت میں حراست میں لے لیا۔
پولیس حکام کے مطابق ملزمان واردات کی غرض سے علاقے میں موجود تھے، تاہم گشت پر مامور اہلکاروں کو دیکھتے ہی فرار ہونے کی کوشش کی۔ اس دوران فائرنگ کا تبادلہ ہوا، جس کے نتیجے میں دونوں ملزمان زخمی ہو گئے اور موقع پر ہی گرفتار کر لیے گئے۔
گرفتار زخمی ملزمان میں سے ایک کی شناخت شہباز کے نام سے ہوئی ہے، جسے فوری طبی امداد کے لیے جناح اسپتال منتقل کر دیا گیا۔
پولیس کے مطابق ملزمان کے قبضے سے اسلحہ اور دیگر اشیاء بھی برآمد کر لی گئی ہیں، جبکہ واقعے کی مزید تفتیش جاری ہے۔
