امریکی صدر ڈونلڈ ٹرمپ نے ایران اور امریکہ کے درمیان مذاکرات معطل ہونے سے متعلق خبروں کو رد کرتے ہوئے انہیں ’غلط اور بے بنیاد‘ قرار دیا ہے۔
اپنے بیان میں، جو انہوں نے سوشل میڈیا پلیٹ فارم “ٹروتھ سوشل” پر جاری کیا، ٹرمپ نے کہا کہ واشنگٹن اور تہران کے درمیان رابطے مسلسل جاری ہیں اور حالیہ دنوں میں بھی بات چیت کا سلسلہ نہیں رکا۔
ان کے مطابق دونوں ممالک کے درمیان چار، تین، دو اور ایک دن پہلے کے علاوہ آج بھی رابطہ ہوا ہے، جس سے ظاہر ہوتا ہے کہ سفارتی عمل بدستور فعال ہے۔
ٹرمپ نے مزید کہا کہ مذاکرات کے نتائج کے بارے میں ابھی کچھ کہنا قبل از وقت ہوگا، تاہم ان کا کہنا تھا کہ ایران کو کسی نہ کسی معاہدے تک پہنچنے کی ضرورت ہے۔
انہوں نے کہا کہ یہ معاملہ 47 سال سے جاری ہے اور اب اسے مزید طول نہیں دیا جا سکتا۔
