امریکی فوج نے دعویٰ کیا ہے کہ اس نے ایک بوٹسوانا کے پرچم بردار آئل ٹینکر کو کارروائی کے دوران ناکارہ بنا دیا ہے۔ امریکی حکام کے مطابق مذکورہ جہاز ایرانی جزیرے خارگ کی جانب سفر کر رہا تھا۔
فوجی حکام کے مطابق ٹینکر خالی تھا، تاہم جہاز کے عملے نے 24 گھنٹوں کے دوران راستہ تبدیل کرنے کے لیے دی گئی متعدد وارننگز پر عمل نہیں کیا، جس کے بعد کارروائی کی گئی۔
امریکی حکام کا یہ بھی کہنا ہے کہ 13 اپریل سے ایران کی بندرگاہوں میں داخل ہونے اور وہاں سے نکلنے والی بحری آمدورفت پر جاری ناکہ بندی کے دوران اب تک 6 تجارتی جہازوں کو ناکارہ بنایا جا چکا ہے، جبکہ 122 جہازوں کو اپنا راستہ تبدیل کرنے پر مجبور کیا گیا ہے۔
مزید تفصیلات یا آزاد ذرائع سے ان دعوؤں کی فوری تصدیق سامنے نہیں آئی ہے۔
