پاکستان میں سونے کی تازہ قیمتیں
پاکستان میں سونے کی قیمت میں ایک بار پھر کمی ریکارڈ کی گئی ہے، جس کے بعد خریداروں کیلئے سونا نسبتاً سستا ہو گیا ہے۔
آل پاکستان صرافہ ایسوسی ایشن کے مطابق فی تولہ سونے کی قیمت میں 1100 روپے کمی ہوئی ہے، جس کے بعد سونے کا نیا نرخ 4 لاکھ 91 ہزار 362 روپے فی تولہ ہو گیا ہے۔
10 گرام سونے کا نیا ریٹ
10 گرام سونے کی قیمت بھی 943 روپے کم ہوئی ہے، جس کے بعد نئی قیمت 4 لاکھ 21 ہزار 263 روپے ہو گئی ہے۔
یاد رہے کہ گزشتہ روز سونے کی قیمت میں 4100 روپے فی تولہ اضافہ دیکھا گیا تھا۔
عالمی مارکیٹ میں بھی کمی
عالمی مارکیٹ میں بھی سونے کی قیمت میں کمی ریکارڈ کی گئی ہے، جہاں فی اونس سونا 11 ڈالر سستا ہونے کے بعد 4690 ڈالر پر آ گیا۔
چاندی مزید مہنگی
دوسری جانب پاکستان میں چاندی کی قیمت میں اضافہ جاری ہے۔ فی تولہ چاندی 231 روپے مہنگی ہونے کے بعد 9136 روپے کی سطح پر پہنچ گئی ہے۔
