1500 روپے مالیت کا پرائز بانڈ رکھنے والے افراد کے لیے بڑی خبر آگئی

نیشنل سیونگز سینٹر سیالکوٹ اس ماہ 1500 روپے کے پرائز بانڈ کی قرعہ اندازی کے انعقاد کے لیے تیار ہے۔ پاکستان میں پرائز بانڈز کو سرمایہ کاری کے ایک محفوظ اور مقبول ذریعے کے طور پر دیکھا جاتا ہے، جہاں سرمایہ کار بغیر کسی مالی خطرے کے نقد انعامات جیتنے کا موقع حاصل کرتے ہیں، اور ان کی قرعہ اندازی سال بھر باقاعدگی سے منعقد ہوتی رہتی ہے۔ کسی بھی پاکستانی شہری کے لیے یہ سہولت موجود ہے کہ وہ ایس بی پی-بی ایس سی کے دفاتر، نامزد کمرشل بینکوں کی شاخوں یا نیشنل سیونگز سینٹرز سے درخواست فارم اور درست شناختی کارڈ کی کاپی جمع کرا کر پرائز بانڈ خرید سکے۔ اس قرعہ اندازی میں پہلے انعام کے طور پر 30 لاکھ روپے دیے جائیں گے، جبکہ دوسرے انعام کے لیے 10 لاکھ روپے مقرر کیے گئے ہیں۔ کامیاب امیدوار اپنی انعامی رقم کے حصول کے لیے مقررہ کلیم فارم کے ذریعے ایس بی پی بی ایس سی فیلڈ آفسز، نامزد بینک برانچز یا نیشنل سیونگز سینٹرز سے رجوع کر سکتے ہیں۔ نیشنل سیونگز سینٹر سیالکوٹ 1500 روپے کے پرائز بانڈ کی قرعہ اندازی نمبر 106 کا انعقاد 15 مئی 2026 کو کرے گا۔ یاد رہے کہ فروری 2026 میں ہونے والی قرعہ اندازی میں پہلا انعام 30 لاکھ روپے بانڈ نمبر 429148 کے حامل فرد نے جیتا تھا، جبکہ 10 لاکھ روپے کے دوسرے انعامات بانڈ نمبر 430347، 591133 اور 628300 رکھنے والوں کے حصے میں آئے تھے۔