میڈیکل طلبہ کیلئے اہم فیصلہ
پاکستان میڈیکل اینڈ ڈینٹل کونسل (PM&DC) نے بیرونِ ملک میڈیکل اور ڈینٹل تعلیم حاصل کرنے کے خواہشمند طلبہ کیلئے نئی شرائط متعارف کرا دی ہیں۔
نئے فیصلے کے مطابق اب غیر ملکی میڈیکل یونیورسٹی میں داخلہ لینے سے پہلے طلبہ کو پی ایم اینڈ ڈی سی میں رجسٹریشن کروانا لازمی ہوگا۔
MDCAT پاس کرنا ضروری
ذیلی کمیٹی کے اجلاس میں فیصلہ کیا گیا کہ بیرونِ ملک MBBS یا BDS پروگرام میں داخلہ لینے والے تمام طلبہ کیلئے MDCAT امتحان میں کامیابی حاصل کرنا بھی لازمی شرط ہوگی۔
حکام کے مطابق اس اقدام کا مقصد میڈیکل تعلیم کے معیار کو بہتر بنانا اور طلبہ کو غیر معیاری اداروں سے بچانا ہے۔
منظور شدہ یونیورسٹی کی تصدیق ضروری
پی ایم اینڈ ڈی سی نے طلبہ کو ہدایت کی ہے کہ داخلہ لینے سے پہلے اس بات کی مکمل تصدیق کریں کہ متعلقہ غیر ملکی میڈیکل یا ڈینٹل ادارہ کونسل کی منظور شدہ فہرست میں شامل ہے۔
ماہرین کے مطابق اس فیصلے سے بیرونِ ملک میڈیکل تعلیم حاصل کرنے والے پاکستانی طلبہ کو مستقبل میں ڈگری ویریفکیشن اور لائسنسنگ مسائل سے بچانے میں مدد ملے گی۔
