پاکستان کے ابھرتے ہوئے مسٹری اسپنر عثمان طارق نے انگلش ڈومیسٹک کرکٹ میں اہم پیش رفت کرتے ہوئے T20 Blast کے لیے Warwickshire Bears سے معاہدہ کر لیا ہے۔
تفصیلات کے مطابق واروکشائر کاؤنٹی نے نوجوان پاکستانی اسپنر کو آئندہ ٹی ٹوئنٹی سیزن کے لیے اپنے اسکواڈ میں شامل کیا ہے، جہاں وہ وائٹ بال فارمیٹ میں اپنی اسپن باؤلنگ سے ٹیم کو تقویت دیں گے۔
کلب کے پرفارمنس ڈائریکٹر جیمز تھامس نے عثمان طارق کو جدید ٹی ٹوئنٹی کرکٹ میں ایک مؤثر ہتھیار قرار دیتے ہوئے کہا کہ ان کی صلاحیتیں ٹیم کی کارکردگی پر مثبت اثر ڈال سکتی ہیں۔
یاد رہے کہ عثمان طارق اس معاہدے کے بعد صرف ٹی ٹوئنٹی بلاسٹ تک محدود نہیں رہیں گے بلکہ وہ انگلینڈ کی معروف دی ہنڈریڈ لیگ میں بھی ایکشن میں نظر آئیں گے۔
30 سالہ اسپنر اب تک پاکستان کی ٹی ٹوئنٹی ٹیم کی جانب سے 9 میچز میں 18 وکٹیں حاصل کر چکے ہیں، جن میں ایک شاندار ہیٹ ٹرک بھی شامل ہے۔
