قومی اسمبلی سے اہم قانون منظور
قومی اسمبلی نے “اسلام آباد کیپٹل ٹیریٹری کتابوں کے پلاسٹک کور پر پابندی ایکٹ 2026” منظور کر لیا ہے، جس کے تحت کتابوں پر پلاسٹک کور چڑھانے اور ایسی کتابوں کی فروخت پر پابندی عائد کر دی گئی ہے۔
نئے قانون کا مقصد ماحولیاتی آلودگی کم کرنا اور تعلیمی اداروں میں ماحول دوست متبادل کو فروغ دینا ہے۔
خلاف ورزی پر جرمانے
قانون کے مطابق اسلام آباد میں کوئی بھی دکاندار یا فروخت کنندہ پلاسٹک کور والی کتابیں فروخت یا تقسیم نہیں کر سکے گا۔
پہلی بار خلاف ورزی پر 50 ہزار روپے تک جرمانہ عائد کیا جا سکے گا جبکہ دوبارہ خلاف ورزی کی صورت میں جرمانہ ایک لاکھ روپے تک ہو سکتا ہے۔
کن چیزوں کو استثنیٰ حاصل ہوگا؟
بل کے مطابق بایو ڈی گریڈ ایبل مواد، ہارڈ بیک کور اور نایاب کتابوں کے حفاظتی کور اس پابندی سے مستثنیٰ ہوں گے۔
اسلام آباد انتظامیہ کے مجاز افسران کو معائنہ کرنے، مواد ضبط کرنے اور جرمانے عائد کرنے کے اختیارات بھی حاصل ہوں گے۔
ماحول دوست اقدام
ماہرین کے مطابق کتابوں پر پلاسٹک کور کے استعمال میں کمی سے پلاسٹک ویسٹ کم ہوگا اور ماحول دوست پالیسیوں کے فروغ میں مدد ملے گی۔
