ایک تازہ ڈیجیٹل تجزیے کے مطابق امریکا میں سب سے زیادہ غلط ہجے (Misspelled Words) کیے جانے والے الفاظ میں “Favorite”، “Through” اور “Niece” شامل ہیں۔
یہ رپورٹ جنوری سے مئی 2026 کے دوران گوگل سرچ ٹرینڈز اور صارفین کی جانب سے کیے گئے عام غلط ہجوں کے ڈیٹا کی بنیاد پر تیار کی گئی ہے۔
اعداد و شمار سے ظاہر ہوتا ہے کہ روزمرہ استعمال کے یہ بظاہر آسان الفاظ بھی بڑی تعداد میں افراد کے لیے مشکل ثابت ہو رہے ہیں، خاص طور پر آن لائن لکھائی اور سوشل میڈیا پوسٹس میں۔
ماہرین لسانیات کے مطابق ان الفاظ کی پیچیدگی کی بڑی وجہ انگریزی زبان کے غیر مستقل املا (irregular spelling patterns) ہیں، جہاں تلفظ اور ہجے اکثر مختلف ہوتے ہیں۔
مثلاً “Through” میں موجود حروف کی ترتیب اکثر صارفین کو الجھن میں ڈال دیتی ہے، جبکہ “Favorite” اور “Niece” میں خاموش یا غیر متوقع حروف عام غلطیوں کا سبب بنتے ہیں۔
