سعودی عرب کا جدید سفری منصوبہ
سعودی عرب نے زائرین اور نمازیوں کی سہولت کیلئے مسجد قبا میں جدید روبوٹ ٹیکسی سروس متعارف کرا دی ہے، جو بغیر انسانی ڈرائیور کے خودکار انداز میں کام کرے گی۔
سعودی حکام کے مطابق یہ منصوبہ وژن 2030 کے تحت ڈیجیٹل ٹرانسفارمیشن اور ماحول دوست ٹرانسپورٹ نظام کو فروغ دینے کی اہم کوشش ہے۔
مصنوعی ذہانت پر مبنی روبوبس
روبوبس جدید مصنوعی ذہانت (AI) ٹیکنالوجی سے لیس ہے، جس میں جدید سینسرز اور ہائی ریزولوشن کیمرے نصب کیے گئے ہیں۔
یہ نظام اردگرد موجود افراد، زائرین اور نمازیوں کی حفاظت کو یقینی بناتے ہوئے خودکار انداز میں سفر کرے گا۔
700 میٹر کے مخصوص راستے پر سروس
حکام کے مطابق روبوٹ ٹیکسی مسجد قبا کے اطراف تقریباً 700 میٹر کے مخصوص راستے پر چلائی جائے گی تاکہ زائرین کو آسان، محفوظ اور تیز سفری سہولت فراہم کی جا سکے۔
اس منصوبے کا ابتدائی تجرباتی مرحلہ 60 دن تک جاری رہے گا، جس دوران اس کی کارکردگی اور حفاظتی نظام کا تفصیلی جائزہ لیا جائے گا۔
زائرین کیلئے جدید سہولیات
ماہرین کے مطابق سعودی عرب مذہبی مقامات پر جدید ٹیکنالوجی متعارف کرا کے دنیا بھر سے آنے والے زائرین کیلئے سہولیات بہتر بنانے کی جانب اہم اقدامات کر رہا ہے۔
