پاکستان اور آسٹریلیا کے درمیان تین میچوں پر مشتمل ایک روزہ سیریز کا پہلا میچ آج راولپنڈی کرکٹ اسٹیڈیم میں کھیلا جائے گا۔ میچ کا آغاز مقامی وقت کے مطابق ساڑھے چار بجے ہوگا۔
پاکستانی ٹیم کی قیادت شاہین شاہ آفریدی کریں گے جبکہ آسٹریلوی ٹیم جوش انگلس کی کپتانی میں میدان میں اترے گی۔
تاریخی سنگِ میل
یہ میچ پاکستان کرکٹ کے لیے ایک اہم موقع بھی ہے کیونکہ قومی ٹیم آج اپنا 1000 واں ون ڈے انٹرنیشنل میچ کھیلے گی، اور اس طرح پاکستان یہ سنگ میل عبور کرنے والی دنیا کی تیسری ٹیم بن جائے گی۔ اس سے قبل یہ اعزاز آسٹریلیا اور بھارت کو حاصل ہے۔
دونوں ٹیموں کا ریکارڈ
ون ڈے فارمیٹ میں پاکستان اور آسٹریلیا کے درمیان اب تک 111 میچز کھیلے جا چکے ہیں، جن میں آسٹریلیا کو واضح برتری حاصل ہے۔ آسٹریلیا نے 71 جبکہ پاکستان نے 36 میچوں میں کامیابی حاصل کی ہے۔
راولپنڈی اسٹیڈیم میں کارکردگی
پاکستانی ٹیم راولپنڈی کرکٹ اسٹیڈیم میں گزشتہ چند سالوں کے دوران ون ڈے فارمیٹ میں بہتر کارکردگی دکھاتی رہی ہے اور یہاں کھیلے گئے آخری پانچ میچز میں کامیابی حاصل کی ہے۔
اب دیکھنا یہ ہے کہ کیا پاکستان اپنی ہوم کنڈیشنز کا فائدہ اٹھاتے ہوئے آسٹریلیا کے خلاف اپنی کارکردگی بہتر بنا پاتا ہے یا مہمان ٹیم ایک بار پھر برتری قائم رکھتی ہے۔
