سان فرانسسکو میں کھیلے گئے میگا ایونٹ کے تیسرے دن کے پہلے مقابلے میں سوئٹزرلینڈ اور قطر کی ٹیمیں ایک دلچسپ اور مقابلہ جاتی میچ میں آمنے سامنے آئیں، جو ایک ایک گول سے برابر رہا۔
میچ کے دوران سوئٹزرلینڈ کی ٹیم نے آغاز سے ہی برتری قائم رکھی اور متعدد حملے کیے۔ 17ویں منٹ میں فاؤل کے نتیجے میں ملنے والی پنالٹی کو بریل ایمبولو نے کامیابی سے گول میں تبدیل کر کے اپنی ٹیم کو برتری دلائی۔
پہلے ہاف کے اختتام تک سوئٹزرلینڈ نے ایک گول کی برتری برقرار رکھی، جبکہ دوسرے ہاف میں قطر نے بہتر حکمت عملی کے ساتھ کھیل میں واپسی کی کوششیں جاری رکھیں۔
میچ کے آخری لمحات میں قطر کی کوششیں رنگ لائیں، جب بوالم کھوکھی نے ایک شاندار ہیڈر کے ذریعے گیند کو جال میں پہنچا کر مقابلہ برابر کر دیا۔ اس گول کے بعد میچ کا اختتام ایک ایک کی برابری پر ہوا۔
اس نتیجے کے ساتھ قطر کی ٹیم نے میگا ایونٹ میں اپنی تاریخ کا پہلا پوائنٹ حاصل کر لیا۔
