راولپنڈی کے ہولی فیملی اسپتال میں ایک منفرد اور خوش کن واقعہ پیش آیا جہاں ایک خاتون نے بیک وقت پانچ بچوں کو جنم دیا۔
اس غیر معمولی پیدائش میں چار بیٹے اور ایک بیٹی شامل ہیں، جس کے بعد خاندان میں خوشی کی لہر دوڑ گئی ہے۔
اسپتال ذرائع کے مطابق نومولود بچی کو احتیاطی تدابیر کے تحت وینٹی لیٹر پر منتقل کیا گیا ہے، تاہم اس کی حالت خطرے سے باہر بتائی جا رہی ہے۔
دوسری جانب چاروں بیٹے اور والدہ مکمل طور پر صحت مند ہیں، جبکہ تمام بچوں کو ابتدائی نگہداشت کے لیے 72 گھنٹوں تک نرسری میں رکھا گیا ہے۔
والد ہارون اور ان کی اہلیہ اس خوشی کے موقع پر بے حد مسرور ہیں اور اپنے بچوں کی صحت کے لیے دعاگو ہیں۔
ڈاکٹرز کے مطابق ایسے کیسز نہایت کم دیکھنے میں آتے ہیں اور خصوصی طبی نگرانی کے تحت ماں اور بچوں کی حالت پر مسلسل نظر رکھی جا رہی ہے۔
