گجرات کے لوک گلوکار پر نوٹوں کی بارش — سوشل میڈیا پر وائرل منظر
بھارتی ریاست گجرات کے ایک لوک گلوکار کی ویڈیو سوشل میڈیا پر تیزی سے وائرل ہو رہی ہے، جس میں عقیدت مندوں کو ان پر لاکھوں روپے نچھاور کرتے دیکھا جا سکتا ہے۔
رپورٹس کے مطابق گجرات کے ضلع جوناگڑھ میں منعقدہ روایتی ڈائرو پروگرام کے دوران بھجن گلوکار گوپال سادھو پرفارم کر رہے تھے کہ اسی دوران حاضرین نے ان پر کرنسی نوٹوں کی بارش شروع کر دی۔
ویڈیو میں دیکھا جا سکتا ہے کہ گلوکار ہارمونیم بجاتے ہوئے مسلسل گاتے رہے جبکہ لوگ ان پر نوٹوں سے بھرے تھیلے اور گڈیاں ڈالتے رہے، ایک موقع پر نوٹوں کا ڈھیر اتنا بڑھ گیا کہ گلوکار تقریباً اس کے نیچے دب گئے۔
دلچسپ بات یہ رہی کہ اتنی بڑی رقم نچھاور ہونے کے باوجود گوپال سادھو نے بغیر رکے اپنی پرفارمنس جاری رکھی۔
سوشل میڈیا پر وائرل ویڈیوز پر صارفین کی جانب سے دلچسپ تبصرے بھی کیے جا رہے ہیں۔
ایک صارف نے کہا کہ "اسے کہتے ہیں اصل ورک فرام ہوم" — بس بیٹھے بیٹھے نوٹوں کی بارش میں نہاتے رہو۔
پنجاب کے شہر گوجرانوالہ میں ہونے والی ایک بارات میں دولہا کے دوستوں نے نوٹوں کی برسات کر دی۔
دوسرے صارف نے مزاحیہ انداز میں کہا کہ امید ہے وہ صحیح طریقے سے سانس لے پا رہے ہوں گے، کیونکہ لوگ مسلسل ان پر نوٹ ڈال رہے ہیں۔
کچھ صارفین نے اس رقم کو فلاحی کاموں میں استعمال کرنے کا مشورہ بھی دیا۔
ایک تبصرہ یہ بھی تھا کہ امید ہے یہ رقم غریبوں اور ضرورت مندوں تک بھی پہنچے۔
